QuickLook, the ability to see a quick preview of files and folders simply by selecting and then pressing the Space bar has been available for some time now.

This is a great time saver and gives access to information that in many cases you would otherwise have to install specific software to get. QuickLook can view was number of formats but it is possible to extent its use by adding plug-ins to it. Most of them are free. Some software developers offer plug-ins for QuickLook for their software if QuickLook does not preview files made by their software.

One of QuickLook greatest features in my opinion is that it can preview fonts. Not only to see if it’s the font I am looking for, but also to see if the six glyphs specific for the Icelandic language, are in the font (which is a common problem) or, if they are, to see if they are drawn in a proper way and usable.

The problem however is that QuickLook does not have a character table for Icelandic, but the English one is used, leaving out those glyphs I am after. I have not thoroughly investigated this problem for other non-English languages, but it seems that some other languages are dealing with a similar problem. So how can we get around this?

I asked around and finally got a great help on the macosxhints.com forum from Hal Itosis, who by the way is not into fonts at all as he says. The discussion between me and Hal can be read in the link. But here is a shorter version – and less nerdy, on how to customize QuickLook for fonts based on what Hal told me.

First of all you have to have admin rights to your computer. I assume that everyone who is willing to try this out has full rights.

The various character sets that QuickLook presents are based on the language which is the primary language you are using. The character sets are are kept in a file called SampleSupport.plist which is found at:
/System
/Library
/Frameworks
/ApplicationServices.framework
/Versions
/A
/Frameworks
/CoreText.framework
/Versions
/A
/Resources
/SampleSupport.plist

Copy this path and in Finder go: Command + Shift + G and paste the path into the field and you will instantly brought to the right place.

Drag a copy of this file to a different place in your computer. I recommend that you make a folder for it called QuiclLookFonts_IS (IS, CZ..etc. being your language) The reason is that it’s good to keep a copy of this file for later because it will be overwritten in major system upgrades.

Open this file in TextEdit or another favorite text editor (not Word or any word processor).

Now you have to find your language. If you are into this anyway you probably know already what fits. Many of the European languages like Italian are using the en table because Italians don’t need to see any funny diacritics, but countries like Hungary (hu) and Poland (pl) are using the cs table. However the cs table does not fully cover each and every language in East Europe.

Characters shown in the cs table: ABCDEFGHIJKLMNOPQRSTUVWXYZ ąbčdėfghijklmnopqřstůvwxyž

In the case of Icelandic the en table is used and this the one I want to change. I simply type in the characters I want to add. I preferred not to have it in its alphabetical order simply because their existence in the font is what I want quickly to get information on. In the case where the cs table is used a Czech mac user would look into that table for changes.

I marked my changes in yellow. I could go further and add all of the diacritics but as they are present in other languages they are more likely to be included. I might though do it in next run.

Save the file as text file. Drag a copy over the original file to replace it. You will be asked for authentication. Restart is recommended but not vital.

Rafhlöður í fartölvum virðast leggja upp laupana langt fyrir aldur fram hjá mörgum. En svo virðast aðrir geta verið með sömu rafhlöðu einhver ár þrautalaust. Hver gæti verið skýringin?

Auðvitað gerist það stundum að rafhlöður eru hreinlega gallaðar. Oftar en ekki getur þó eigandi tölvunnar fundið ástæðuna fyrir lélegri frammistöðu rafhlöðunnar hjá sér sjálfum – ef hann vissi hvað í hegðunarmynstrinu gallann er að finna.

Tölvurafhlöður (símarafhlöður og fleira sambærilegt) eru stykki með vökva inní og einhverjum efnum þar í bland. Nokkuð sem ég hef ekki frekara vit á. Hins vegar veit ég af dapurri eigin reynslu að þessi vökvi þarf að vera á stöðugri hreyfingu svo að rafhlaðan skili því sem hún var gerð fyrir í þann tíma sem henni var ætlaður.

Með hreyfingu er átt við að rafhlaðan þarf stöðugt að vera annað hvort að hlaðast eða afhlaðast. Ef sú er ekki raunin, kristallast vökvinn í rafhlöðunni og það svæði sem þessi kristalla klumpur tekur nær ekki að taka þátt í rafmagnsframleiðslunni og heilsu rafhlöðunnar hrakar. Áríðandi er að hafa í huga að með því að hafa tölvuna mikið í sambandi gegnum straumbreytinn reynir ekkert á rafhlöðuna – hún er í kyrrstöðu og kristallamyndun grasserar. [Ég lýsi þessu svona eins og ég sé að tala við leikskólakrakka og þeir sem eru fróðari um tæknihliðina á þessu gætu vel haft einhverjar athugasemdir. Gjörið svo vel.]

Ég guðaði á internetinu eftir nánari upplýsingum um hvernig maður ætti að bera sig að. Eftir nokkra skoðun leist mér best á það sem fannst á síðum Apple og hef haldið mig við það síðan ég keypti mér nýja rafhlöðu. Hérna er það í laufléttri þýðingu:

• Settu tölvuna í samband við straumbreytinn og láttu rafhlöðuna ná fullri hleðslu. Það kviknar þá á grænu ljósi á tenginu við tölvuna.
• Leyfðu tölvunni að vera tengda við straumbreytinn í svo sem tvo tíma svona – helst svolítið lengur. Ekki rjúfa sambandið. Þú getur notað tölvuna á meðan.
• Taktu nú straumbreytinn úr sambandi og haltu áfram að nota tölvuna meðan hún keyrir á rafhlöðunni. Þegar lítið er eftir af hleðslunni kemur aðvörun um það á skjáinn.
• Haltu áfram að vinna á tölvunni eða leyfir henni að vera í gangi þar til hún sofnar. Vistaðu öll opin skjöl og slökktu á öllum forritum áður en tölvan sofnar.
• Slökktu á tölvunni eða leyfðu henni að sofa í að minnsta kosti fimm tíma.
• Tengdu nú straumbreytinn aftur við tölvuna og leyfðu rafhlöðunni að hlaðast að fullu. Þú getur notað tölvuna að vild á meðan, en passaðu að straumbreytirinn sé tengdur við tölvuna allan tímann.

Apple mælir með því að þessi aðgerð sé framkvæmd ekki sjaldnar en á tveggja mánaða fresti – helst oftar. Til þess að minna sig á þetta er ágætt að smella á þennan tengil. Hann hleðst inn í iCal sem eftir það birtir svona spjald á skjánum hjá manni mánaðarlega. Ónæðið er hægt að verðsetja með verði nýrrar rafhlöðu.

Milli þessara aðgerða er hægt að vinna að vild með tölvuna tengda eða ekki. Eins og ég gat um áður borgar sig ekki að keyra tölvuna langtímum saman með straumbreytinum. Frekar að leyfa rafhlöðunni að puða við þetta. Ef maður er til dæmis alltaf að vinna á tölvunni væri hægt að hugsa sér að leyfa rafhlöðunni að falla niður í svona 20% hleðslu, setja þá straumbreytinn við, rjúfa aftur í 90–100%. Eitthvað svoleiðis. En fara svo í aðgerðina mánaðarlega.

Heilsufar rafhlöðunnar má skoða í System Profiler (Applications/Utilities/System Profiler). Einnig er afbragð að vera með ókeypis widget (F12) sem heitir iStat Pro og fylgjast með rafhlöðunni þar á myndrænni hátt.

Hægt er að lesa það sem Apple segir um þetta meðal annars í þessum greinum:

Apple Notebooks

Apple Portables: Tips for maximizing your battery charge

Calibrating your computer’s battery for best performance

Einnig ágætis pistill um aðra hluti sem geta verið að eyða hleðslunni

Allir sem á annað borð nota tölvur nota forrit eins og Safari meira eða minna allan daginn með öðru. Það er því ekki úr vegi að benda á nokkur atriði sem geta gert ráparann að enn skilvirkara tóli í verkfærakistunni. Það sem kemur hér á eftir miðast við Safari en á einnig við aðra rápara með litlum tilfærslum, eins og til dæmis Firefox.

Margir nýta sér Bookmarks Bar, línuna undir addressulínunni sem frábæra flýtileið á uppáhalds vefsíðurnar sínar. Þar sem vel flest vefföng eru nokkuð löng verður plássið fljótt búið. Athugið að þegar maður dregur veffang þarna niður opnast lítill gluggi þar sem birtir annað hvort slóðina í heild eða nafn síðunnar sem er verið að bókamerkja. Þarna gefst tækifæri á að búa til styttingu á nafni slóðarinnar. Í þessu tilfelli mætti þetta vera t.d. Errors. mbl.is – Fréttir er einfalt að stytta í mbl.is og þannig mætti lengi telja.

Ef búið er að fylla röndina með löngum slóðum og vilji til að stytta eftir á, er einfaldast að smella á merkið lengst til vinstri, opnu bókina og fara þannig í Bookmarks og breyta nafninu í dálkinum Bookmark eins og sést á efstu myndinni. Eins og sést á myndinni í atriði númer eitt, er ég að nota svona styttingar út í eitt. A hjá mér er apple.com, a+ er umræðuvefur apple.is/umraedur. Svo koma nokkrar flýtileiðir inn á font.is sem ég þarf mikið að nota. VTr er versiontracker.com og MU MacUpdate.com. Þannig mætti lengi telja en ég kem með þessu móti 35 slóðastyttingum á barinn.

Úr því við erum komin þarna inn í Bookmarks er upplagt að kíkja á nokkur önnur atriði sem geta bætt skipulagið og teygt notagildið enn lengra. Neðst í þessum glugga er lítið plúsmerki. Með því má gera sér möppur til að halda utan um hóp bókamerkja sem eiga eitthvað sameiginlegt. Þegar maður er með svona möppu í Bookmarksbar birtist lítill svartur þríhyrningur við nafnið eins og sést við númer 4. Inn í svona möppu getur maður svo dregið vefslóðir þar með greiður aðgangur að öllum slóðunum í þeim flokki.

Ef við skoðum þá atriði 2 og 3 sést að það er hakað við í númer 2 en ekki númer 3. Í númer 2 sést uppi í Bookmarks Bar að í stað svarta þríhyrningsins er kominn grár kassi. Hann þýðir að ef smellt er á það merki opnast allar síður í sitt hvorum flipa sem eru undir þessu merki. Ég nota þarna merkið √ (checkmark) fyrir þennan flokk, en þetta eru síður sem ég ætla að kíkja betur á þegar mér gefst tími til. Ef ég vil halda einhverjum af þeim síðum til haga kem ég þeim í rétta flokka og tappa af þessari möppu.

Í fimmta liðnum sést hluti af þeim flokkum sem ég vista öll bókamerki til lengri tíma. Sumir af þeim flokkum koma með forritinu en svo bætir maður því við sem við á. Vilji maður ganga enn lengra í skipulaginu getur maður dregið svona möppur upp í Bookmarks Bar og haft þannig beina tengingu í alla sína uppáhalds flokka.

Þegar maður opnar nýjan glugga í Safari, Firefox eða hvaða rápara sem er, verður sá gluggi jafn stór og sá síðasti sem opnaður var.

Oft er sú stærð ekki hentug fyrir það sem maður er að fara að skoða. Það gæti líka verið að maður hafi af einhverri ástæðu verið búinn að minnka síðasta glugga heilmikð því hann hafi verið fyrir manni eða eitthvað álíka. Þá er bara að toga í hornið niðri til hægri og aðlaga nýja gluggann.

Ekki gleyma möguleikanum á að opna fleiri síður inn í sama glugga með því að nota slaufa + T eða halda niðri slaufu þegar smellt er á hlekk. En það er annað mál.

Fyrir þá sem nota vefinn mikið kostar það talsvert umstang að vera stöðugt að breyta gluggastærðum. Þegar öllu er á botninn hvolft eru það meira og minna sömu stærðirnar sem maður er að setja gluggana í. Ein stærðin er kannski gluggi sem nær yfir allan skjáinn. Önnur kannski aðeins mjórri svo maður sjái út fyrir gluggann og kannski líka aðeins styttri. Svo eru það kannski mjóir og síðir gluggar sem sýna bara breidd einhverra síðna en langt niður. Og svo framvegis.

Afbragðs leið til þess að minnka þetta umstang er að vista uppáhalds gluggastærðirnar sem maður í Bookmarksbar (Safari). Þá er hægt að breyta umsvifalaust á milli hentugra stærða. En hvernig er þetta gert?

Til að byrja með er sniðugast að fara í Bookmarks (opna bókin efst í Safari) Velja þar Bookmarks Bar og búa til nýja möppu með því að smella á hægri plúsinn undir dálkinum Bookmark (Ekki vinstri plúsinn undir BOOKMARKS). Köllum möppuna einhverju lýsandi nafni til dæmis glugg eða size. Drögum möppuna til þannig að hún komi næst á eftir bókartákninu.

Að því loknu eru þessar línur sem eru hér að neðan teknar og settar í adressulínuna á ráparanum, ein í einu og ýtt á Return eða Enter. Glugginn breytist samstundis. Ef stærðin er ekki hentug breytir maður tölunum í svigunum þar til allt passar. Fyrri talan er breidd og sú síðari er hæðin. Þegar stærðin er orðin fín er slóðin „javascript: window… “ dregin í möppuna size. Þá er þetta orðið að bókamerki og ekki verra að breyta nú nafninu á því í stærðina sem merkið stendur fyrir, t.d. 800x600 eða Full Screen.

Eftir þetta eru allar uppáhalds gluggastærðirnar aðgengilegar úr Bookmarks Bar. Ef einhver vill ganga enn lengra gæti hann sleppt því að hafa bókamerkin í möppu. Haft þau laus fremst í Bookmarks Bar og þá virkar slaufa + 1, slaufa + 2 og svo framvegis til að hlaupa á milli stærða. En það er svoldið mikið bruðl á plássinu.

Þessir kóðar eru góð byrjun á þessu stússi en munið að breyta tölunum eftir því sem hentar best.

Full Screen:

javascript:self.moveTo(0,0);self.resizeTo(screen.availWidth,screen.availHeight);

1024x768:

javascript:window.resizeTo(1024,768);

1800x1000:

javascript:window.resizeTo(1800,1000);

800x1200:

javascript:window.resizeTo(800,1200);

Ég var eiginlega alveg viss um að hafa skrifað um reiknivélina fyrir löngu en var að komast að því að svo var ekki.

Ég verð alltaf var við það af og til að margir vita hreinlega ekki af því að þetta frábæra forrit Calculator er í Applications möppunni. Allir sem hafa ýtt á F12 á tölvunni sinni hafa séð reiknivélina appelsínugulu sem er þar. Handhæg og alltaf tilbúin (ef ekki skaltu prófa núna! fn F12 á fartölvum og nýju hnappaborðunum). En sú reiknivél kemst ekki í hálfkvist við Calculator forritið og ætti að mínu mati að vera í kvínni hjá öllum.

Það er alveg jafngóður tími núna eins og annar til að benda á Calculator þótt allt virðist vera að fara til fjandans með gengi og fjárhag. Það er nefnilega einn af góðu kostunum við þetta forrit að það reiknar á fljótlegan hátt út fyrir mann gengi gjaldmiðla og þar með talda krónuna okkar góðu. Það eru kannski að verða síðustu forvöð að umreikna hana?

Þetta er gert með því að slá inn erlendu upphæðina með talnaborðinu, fara upp í valseðilinn þar sem stendur Convert og velja Currency… Svo velur maður viðeigandi gjaldmiðil öðrum megin og þann sem á að breyta í hinum megin.

Eins og þú sást er undir Convert eru alls kyns aðrir möguleikar í boði við að breyta milli mælieininga svo sem þetta klassíska úr Farenheit í Celcíus, metrum á sekúndu í kílómetra á klukkustund og hvað eina.

Calculator er ekki bara ein reiknivél, heldur þrjár. Kíktu undir View eða smelltu á slaufa 1, 2 eða 3 og veldu þá reiknivél sem hentar þér best. Þá er líka hægt að láta Calculator tala ef maður endilega vill og til að toppa allt er hægt með slaufa + T (eða Show Paper Tape) að bæta við glugga sem sýnir allan útreikninginn eins og um gamaldags reiknivél með borða væri að ræða.

Stafsetningarvillur eru lúmsk kvikindi og ekki skrítið að fyrirbærið tengist púkum, t.d. Villu-Púkum.

Sökum smæðar íslensku þjóðarinnar og ekki síður smæðar Makka markaðarins var lengst af ekki um auðugan garð að gresja í hjálpartækjum púkalífsins. Á seinni árum hefur þó ræst dálítið úr. Tvö forrit veit ég um sem taka á þessu máli. Bæði eru kerfislæg, það er styðjast við stafsetningartólin sem koma með stýrikerfinu. Það þýðir að maður þarf ekki að búast við að fá leiðréttingu á orðum sem skrifuð eru í forritum eins og Adobe forritunum og ýmsum fleirum, en flest coca-skrifuð forrit eru studd. Kíkjum aðeins á hver staðan er í þessu máli.

cocoAspell er makkaútgáfa af Aspell og er kerfislægt stafsetningarforrit sem fáir hafa vitað um. Forritið er Open Source forrit og ókeypis. Eins og oftast um Open Source forrit er Aspell samvinnuverkefni sem allir geta tekið þátt í sem vilja. Þannig koma orðasöfnin úr ýmsum áttum. Samkvæmt því sem mér sýnist er hægt að tengja 167 orðasöfn við forritið í dag og þar á meðal íslensku.

cocoAspell hefur þurft að setja inn á tölvurnar með aðstoð Terminal forritsins og hefur það verið meira en nóg til að fæla fólk frá því að setja það inn. Nú er að verða breyting á því og cocoAspell forritið sjálft kemur með innsetningarforriti. Tungumálaskráin er svo sótt á ftp-þjón og sett á sinn stað með berum höndum. Samt sem áður getur verið smá bras að koma þessu inn.

Til þess að flýta fyrir er hérna listi yfir það sem þarf að hafa, fyrstu tvær og svo þrjár aðrar fróðlegar slóðir.

Heimasíða cocoAspell

Íslenska orðasafnið (FTP þjónn). Leitið að is og veljið nýjustu skránna.

Terminal leiðbeiningar um innsetningu

GNU Aspell síðan

Tungumálalisti

Stafsetning 2004 er stafsetningarforrit sem Steingrímur Árnason (Muri), fyrrum starfsmaður Apple á Íslandi/Humac hefur þróað. Eins og nafnið bendir til kom það út 2004. Nokkrar uppfærslur hafa komið af forritinu og núverandi útgáfa er númer 1.0.5. Því miður virkar forritið ekki á Leopard og hefur maður því verið án þess í marga mánuði.

Þróun á útgáfu fyrir Leopard er komin af stað og allt bendir til að forritið muni heita Stafsetning 08 (vonandi ekki Stafsetning 09). Hægt er að fara á heimasíðu forritsins stafsetning.is og ná í forritið á meðan á þróun stendur. En til þess að fá það til að virka verður maður að hafa keypt Stafsetningu 2004. Hægt er að ganga frá kaupum á síðunni og eins býður innsetningarforritið upp á að henda manni beint í kaupin.

Stafsetningu 2004 (og Stafsetningu 08) þegar það kemur út, er alger snilld að hafa um borð á tölvunni. Of langt mál er að fara að endurtaka alla kosti forritsins hér en best er að kynna sér möguleika forritsins á heimasíðu þess. Í stuttu máli er þetta stafsetningarforrit sem allir sem hafa metnað í að láta frá sér villulausan texta ættu að hafa í tölvunni sinni.

Ég hef notað það frá því það kom út, enda ekki stætt á öðru því ég var búinn að kvarta dálítið um skort að svona forriti. Nú er ég kominn með prufueintak af Stafsetningu 08 í gang og það lofar góðu. Ég veit að allt of fáir hafa keypt sér forritið.

Sem stendur (alpha 04) er komið
Leopard stuðningur
Intel stuðningur
Hraðari ræsing (tefur minna ræsingu á Finder)
Growl stuðningur
Fast User Switching stuðningur
NeoOffice tenging
Vísir að Word 2008 tengingu

Eins og ég minntist á í Molunum myndi ég vilja sjá fleiri valkosti í verðlagningu. Verðið er nokkuð sanngjarnt en ég vildi sjá til dæmis möguleika á að geta haft forritið á borðvél og fartölvu samtímis án þess að þurfa að borga tvöfalt. Augljóslega nota ég tölvurnar ekki samtímis.

Inqusitor er viðbót fyrir Safari eingöngu og er meiri háttar hjálpartæki fyrir þá sem nota netið mikið til að leita uppi upplýsingar. Ég hef notað í tvö ár eða svo og get varla hugsað mér að vera án þess. Það væri eins og að fara tvö ár aftur í tímann.

Inquisitor verður eins og hluti af Safari og í leitarreitinum sést hvort viðbótin sé virk eða ekki. Þá stendur Inquisitor í honum með daufu letri.

Þegar maður byrjar að skrifa leitarstreng byrjar Inquisitor að reyna að giska á hverju maður gæti verið að leita að og lítill felligluggi opnast sem sýnir nokkrar líklegar vefsíður. Þannig sparast að vera stöðugt að kalla fram leitarsíður sem kannski eru ekki með neinum gagnlegum tenglum. Þetta er eins og Spotlight fyrir netið.

Ef engin af þeim síðum sem Inquisitor stingur upp á er sú sem maður leitar að hamrar maður á Enter/Return og venjuleg niðurstöðusíða birtist í Safari. En ef Inquisitor kemur með réttu síðuna er hægt að velja hana og fara beint þangað. Inquisitor man líka hvort maður hafi heimsótt síður og eru þær merktar sérstaklega.

Í Safari > Preferences er eru nokkrar stillingar fyrir Inquisitor. Meðal annars hvaða leitarvél er notuð, Google US, Google IS eða Yahoo, svo nokkuð sé nefnt. Þó ekki íslenskar leitarvélar.

Smá hliðarspor: Eitt er sem gerist við að nota forritið er að maður lærir betur að leita rétt. Margir hefðu gott af því. Ég get sem dæmi, séð hvaða leitarstrengir verða til að menn koma á font.is og það er bísna fróðlegt að sjá. Hvert orð sem er sett í leitarstrenginn virkar eins og filter. Dæmi um leit gæti verið: Hvar finn ég kínverska stafi. (Þetta er raunverulegt dæmi.) Í stað þess væri betra að leita svona: kínverskir stafir. Annars reyna leitarvélarnar að finna greinar sem innihalda líka orðin finn, hvar og ég.

Inquisitor viðbótin er ókeypis og afar einfalt að setja inn. Ná í hana, ræsa innsetninguna, innsetningin slekkur á Safari og kveikir á honum aftur og þetta er komið inn. Ómissandi viðbót.

Flestir kannast við hugtakið Drag’n’Drop eða Drag’og detta… eða hvað á að kalla það á íslensku. Þá er gjarnan átt við að einhver hlutur í tölvunni er dreginn yfir á annan stað og málið búið. Eins og til dæmis að draga forrit inn í Applications og þá er forritið tilbúið til notkunar.

En það er fleira í þessum dúr sem hægt er að gera og ekki allir vita af. Tökum til glöggvunar nokkur dæmi:

Við erum með opna síðu í Safari eða Firefox og þar er smá grein eða partur úr henni sem við viljum halda til haga. Við svertum textann, styðjum á hann (ekki smella) og við sjáum hann eins og losna frá. Tekur um það bil sekúndu á þokkalegri tölvu. Án þess að sleppa takinu á textanum getum við dregið hann til. En hvert?

Við getum dregið hann út á skjáborðið þar sem hann breytist í texta klipp. Það er svo sem fínt ef við ætlum bara að lesa hann, því við getum ekki opnað hann með hvaða ritvinnslu sem er. Þetta verður því bara eins konar minnismiði. ClipEdit (donationware) gefur möguleika á að opna þetta og vesenast með textann og er líklega lang þægilegast til þess brúks. Allir ættu að hafa það í verkfærasafninu.

Ef við ætlum okkur eitthvað meira með textann er betra að draga textann ofan á táknmynd TextEdit forritsins í kvínni. Þar með opnast textinn í nýju skjali og er tilbúinn til frekari nota eða geymslu. Ef maður er mikið fyrir að hirða texta með þessum hætti mætti kannski mæla með DevonThink eða sambærilegum forritum sem eru til þess gerð að halda utan um og skipuleggja einmitt fyrir svona fólk. Nú, auðvitað má hreinlega afrita textann opna nýtt skjal í einhverju hentugu forriti og líma hann þar, en þegar maður kemst upp á lag með svona brellur uppgötvar maður að þetta er oft fljótlegasta leiðin til að taka niður texta.

Ekki má gleyma að ef maður er að draga texta í ritvinnsluforriti er ekki alltaf málið að draga hann út úr skjalinu. Allt eins má draga texta innan skjalsins til þess að færa hann til.

Í sama flokk fellur það þegar við viljum ekki bara hirða part úr grein heldur taka niður vefslóð greinarinnar. Þá getum við tekið í vefslóðina sjálfa, eða öllu heldur táknið fyrir framan hana, dregið yfir í ritvinnsluforrit og þar með er slóðin komin inn.

Einn af augljósustu kostunum er að nota þessa brellu með Mail. Draga textann ofan á táknmyndina og nýr póstur myndast með textanum í. Það er þá jafnvel hægt að senda sér sjálfum póstinn með textanum ef þetta er eitthvað sem maður vill geyma og er ekki með sérhæfð forrit eins og DevonThink til þessarna. Eins má hugsa sér í þessum sívinsælu brandarasendingum að draga brandarann einan og sér í nýjan og hreinan póst, án upplýsinga um netföng hálfrar þjóðarinnar sem fékk brandarann á undan manni.

Og svo eitt enn meðan ég man: Ef maður velur eitt orð eða fleiri með þessum hætti og dregur ofan á Safari táknmyndina opnast ný síða og orðið er komið í leit í Google og búið að kalla fram niðurstöður.

Ég verð að skjóta þessu hér aftan við: Ofar segi ég: „… TextEdit forritsins í kvínni.“ Þarna geng ég út frá því að TextEdit sé komið þangað, en ég sé í raun ákaflega fáa með þetta þannig. TextEdit er ókeypis forrit sem kemur með stýrikerfinu og finnst í Applications möppunni. Ótrúlega öflugt miðað við þyngd.

Útspýtihnappurinn, Eject er notaður til þess að spýta út CD eða DVD diskum eins og allir vita.

En það er meira sem hann getur gert með aðstoð annarra hnappa. Ég hef minnst á það áður hérna að með því að bæta við stjórnhnappnum, það er, stjórn + Eject, getur maður fengið upp skilti sem býður manni að endurræsa tölvuna, svæfa hana eða slökkva á henni. Svo er um að gera að nota þá dálkhnappinn, Tab til að flakka á milli hnappanna og samþykkja svo með því að slá á bilstöngina, Spacebar.

Ef þetta þykir þægilegt væri ekki úr vegi að minnast á eina skipun í viðbót sem ég rakst á nýlega. Hentugt eða ekki, en þessi skipun, stjórn + skipti + Eject (Control + Shift + Eject) slekkur á skjánum tímabundið, eða þar til ýtt er á einhvern hnapp eða músin hreyfð.

Hugsanlega nýtilegt ef einhver kemur óvænt að manni þegar maður er í heimabankanum eða eitthvað í þá áttina.

Vefslóðir geta orðið merkilega langar. Að taka í músina og draga eftir slóðinni til að merkja hana svo maður geti slegið inn nýja vill verða þreytandi til lengdar.

Þá er gott að hafa í huga að með því að hamra á slaufu + L velst slóðin sem fyrir er og er þannig tilbúin til þess að leyfa manni að skrifa inn nýja.

Þessi sama skipun er í Firefox, Opera, OmniWeb – eflaust öllum vöfrum.