font.is

Ekki veistu hvað letrið heitir sem er notað í lógó nýnefnda bankans, Arion? Ég væri forvitinn að sjá stutta umfjöl­lun frá þér um letur­val bankanna fyrir og eftir hrun, sem ásamt litavali og öðru eru til marks um ein­hvers konar viðbragð við breyt­tum kringum­stæðum – cor­po­rate blár hefur vikið fyrir vinalegum nær­buxn­abláum og jafn­vel cyan, í til­felli Ari­ons – Íslands­banki burðast með ölduna úr gamla lógóinu, í rauðum lit Glit­nis, sem getur ekki vakið aðrar hugren­ningar en blóðpoll, jafn­vel blóðhaf … Lands­bank­inn virðist hins vegar hvergi af baki dottinn.

Fyrst og fremst er ég þó forvitinn um letur­valið hjá Arion – þetta min­nir á það sem kemur frá Font­Fonts síðustu mis­seri, bjart, opið, alþjóðlegt, mjög post-2000 – en hvað það heitir veit ég ekki.

Merk­i­legt annars að sam­fara einkavæðingu og útrás fluttu allir bankarnir sig varan­lega úr serif í sans-serif letur í lógóum. 50 árum eftir Hel­veticu er það enn haft til marks um ein­hvers konar nútímavæðingu.

Ekki vit­laus hugmynd en spurn­ing hvort sé tímabært enn að gera svona úttekt. Málin eru smátt og smátt að skýrast. Ég hef litla trú á því að bankarnir verði allir lát­nir starfa áfram.

Hvað varðar Arion, þá er letrið í lógóinu frá E-types í Dan­mörku og heitir Zetta. Eins er letrið í auglýsin­gunum Zetta en ein­hver­jum stö­fum hefur verið breytt lítillega.

Mar­gir eru hrifnir af letrinu þeirra, þar á meðal ég, en gallinn er bara sá að þau eru ekki mörg hver full kláruð. Það hefur van­tað tákn í þau, gæsalap­pir ekki rét­tar, eð-in oftast nær alveg glö­tuð og stafa­bil og kern­ing ófrá­gengið og ósam­ræmt milli leturs innan fjöl­skyldu. Það er því oft talsverð vinna við að koma þeim í gag­nið þótt maður eigi að tel­jast hafa keypt ful­lunna vöru.

Lands­bank­inn er enn með breytt Rotis í lógóinu. Breytin­gin felst í því að punk­tar yfir stö­fum og í grein­armerkjum eru kúlu­la­gaðir í stað kas­sala­gaðra sem er í orginal Rotis Sans. Búið er að henda Rotis Sans úr öllu öðru efni frá þeim en ég er ekki klár á því hvaða letur er verið að nota núna.