Dagatal 2010
Margar heimsóknir eru á hverjum degi á font.is, sérstaklega á þessum tíma árs eru vegna þess að orðin dagatal, dagatöl eða almanak hafa verið sett í leit á netinu og þessi vefur komið upp.
Reyndar er það þannig að þetta er lang mest sótta íslenska síðan hjá mér ásamt auglýsingastærðunum. Þær sem eru skrifaðar á ensku toppa samt eðlilega allt.
Fyrir þá sem hafa notað þessa tengingu vil ég minna á að stilla á Refresh All vikulega því að svona almanak er í stöðugri uppfærslu. Eins ef uppvíst verður um villu er nauðsynlegt að almanakið uppfærist ef ég þarf að leiðrétta eitthvað.
Ekki má gleyma því að þótt þetta sé gert í iCal og fyrir iCal áskrift virkar þetta líka sem almanak í Entourage og Google Calendar.
Ég bjó til eitt almanak í viðbót sem var hugsað fyrir sjálfan mig, en það er dagskrá Sinfóníuhljómsveitar Íslands. Ákvað að senda það út á netið ef einhver hefði gagn af því líka.
Og fyrir þá sem ekki nenna að lesa greinina en vilja tengjast þessum almanökum eru hlekkirnir hér:
Íslenskt almanak með hátíðisdögum, frídögum, jólasveinatali og ýmsu öðru sem ég hef tínt til héðan og þaðan.
Vikutal viðskiptalífsins, fyrsti mánudagur hverrar viku merktur með vikunúmeri samkvæmt ISO staðli.
Sótti mér iCal dagatal, takk fyrir þína vinnu þar sem og gott illustrator námskeið um daginn. Það var alveg meiriháttar flott. Gott að sjá að þú lætur vikuna hefjast á mánudegi. Hef aldrei skilið þetta íslenska trend að láta vikuna hefjast á sunnudegi. Lærðum við ekki í sunnudagaskólanum í gamla daga að að guð hefði skapað heiminn á fimm dögum, manninn á þeim sjötta og hvílt sig á þeim sjöunda? Það hélt ég. Veistu eitthvað af hverju þetta hefur æxlast svona Siggi?