Adobe Creative Suite 4 – alveg að skella á
Creative Suite 4 frá Adobe er væntanlegt á fyrsta ársfjórðungi 2009.
Eins og alltaf er búið að hlaða nýjungum í forritin og ég get illa beðið með að koma höndum á pakkann. Nýi burstinn sem ég var búinn að nefna og spáði fyrir verður í Illustrator og heitir Blob Brush.
Vefir hafa verið að fyllast af lýsingum á hverju má eiga von á. Sú besta sem ég hef rekist á enn er hjá Creative Pro en á einnig er ítarleg lýsing á Illustrator á Real World Illustrator. Það er ljóst að Illustrator fær mikla yfirhalningu á mörgum sviðum miðað við þessa lesningu. Sama má segja um flest hin forritin.
Útlit forritanna allra og samhæfing tekur stórt stökk og eins gott að fólk sé tilbúið að láta róta aðeins í sér.
Ég vísa bara á þessar síður til að lesa nánar um þetta allt saman frekar en að éta það allt upp og þýða. Þetta verður rosa gaman — ekki spurning.
Það fer að koma tími á að þeir þurfi að fara að fjarlægja „nýjungar“ úr pakkanum. Þetta er orðið einum of. Minnir mig á gamlar konur sem eiga tvö hundruð myndir af barnabörnunum upp á vegg en halda áfram að bæta á hann.
Á meðan Adobe heldur sig í „Microsoft þokunni“ nota ég Pixelmator.