Fótósjopp dauðans
Ég á ekki myspace síðu, en á víst vanrækta Facebook síðu sem varð til þegar einhver (Tolli) sendi mér link um hvort ég vildi ekki vera vinur hans. Mér fannst enginn vafi þar um og síðan varð til.
Dane Cook, leikarinn þarna í miðjunni á hins vegar myspace síðu. Í færslu einni fjallar hann um veggspjaldið sem gert var fyrir myndina My Best Friend’s Girl, sem ég hef nú ekki séð. Hann er ánægður með kvikmyndina sjálfa en veggspjaldið fer svo í taugarnar á honum að hann getur ekki orða bundist.
Fyrir þá sem kunna vel á Photoshop er örugglega gaman að vinna svona verk. Ég þekki reyndar einn sem gerir dáldið af bíóplakötum og gerir það vel finnst mér (kíkið líka á letrið hans). Á ekki von á að hann hafi komið nálægt þessu.
Það liggur við að þetta sé kennslustund í því hvernig maður vinnur svona veggspjöld í Photoshop svo þau falli í kramið í Hollywood og er fróðleg og skemmtileg lesning.
