Auglýsingastærðir og skil á auglýsingum
Glöggir lesendur hafa kannski tekið eftir því að það er kominn nýr hnappur á síðuna – AUGLÝSINGASTÆRÐIR. Það getur verið að ég breyti nafninu á hnappnum síðar. Þetta er eitthvað svo langt orð. En það er annað mál.
Það sem sést á síðunni sem kemur upp er nokkuð augljóst. Listi yfir auglýsingastærðir tímarita og blaða á Íslandi. Samsvarandi listi, forveri þessa lista, var haldið saman af fyrrverandi samstarfsmanni, Margréti Ludwig og enn lifir í listanum hluti af innslættinum hennar. Kann ég henni bestu þakkir fyrir hugmyndina. Hennar listi var excel skjal en ég fékk leyfi hjá henni til að breyta honum í veflista. Síðan eru liðin nokkur ár. Listinn hefur því verið til lengi og aðeins það uppfært sem komið hefur upp á. Slóðin hefur hægt og rólega lekið út eins og gengur og er allt í góðu með það.
Ég ákvað fyrir skemmstu að koma þessu lista opinberlega í loftið og þá beint undir font.is. Ég sendi póst á öll netföng á listanum þar sem óskað er eftir því að þeir komi með athugasemdir, breytingar og nýjustu upplýsingar. Svör hafa verið að skila sér inn en nokkuð vantar enn. Vonast er til að það geri það fljótlega en í anda auglýsingabransans gaf ekki mikinn tíma áður en ég sendi þetta í loftið.
Greinilegt er að eitthvað er enn inni af tímaritum sem eru hætt eða hafa skipt um eigendur. En þetta kemur allt með kalda vatninu.
Í aftasta reitnum, Breytt set ég dagssetningu síðustu breytinga. Önnur merki þar verða meðan ég er að klára að uppfæra listann. (S þýðir að ég hef sent út póst og R að viðkomandi hafi svarað um að hann sé að finna þetta til. Restin af merkingunum þýða ekki mikiið fyrir aðra en mig.)
Að hafa svona samantekt á einum stað ætti að vera til hagræðis fyrir alla. Færri hringingar og póstsendingar vegna þessara mála er þar fremst í flokki.
Ég vona að fólk njóti og láti berast út hvar þennan lista er að finna. Verið ekkert að prenta hann út því breytingar geta komið fyrirvaralaust. Svo vona ég að allir taki þátt í að halda listanum við með því að senda mér upplýsingar um hvers konar breytingar. Ég uppgötvaði t.d. nokkur tímarit sem ég hafði ekki hugmynd um meðan ég var að þessu.
Og eitt enn: Notið hnappinn til að fara á síðuna, ekki leit. Leit skilar inn síðunni allri eins og aðrar leitir, en af því hún er miklu breiðari en aðrar síður passar hún ekki inn í layoutið og fer allt í graut þegar síðan er sýnd þannig.
Svo fylgir náttúrulega með sá fyrirvari að ég ber enga ábyrgð á listanum þótt ég reyni að hafa hann eins áreiðanlega og unnt er.
Breytingar og viðbætur má gjarnan senda á mig á sigurarm@font.is
Djö… bölv… svakaleg snilld er þetta!