TypeCon 2008
TypeCon 2008 leturráðstefnan verður haldin í Buffalo, NY dagana 15. til 20. júlí næstkomandi á Hyatt Regency hótelinu þar í borg.
Umfang ráðstefnunnar eykst ár frá ári. Samsuða af vinnustofum, fyrirlestrum, umræðum, partíum uppboðum og hver veit hvað. Þarna er hægt að hitta leiðandi fólk í bransanum, leturhönnuði, letursérfræðinga, grafíska hönnuði, bókaútgefendur og alls kyns að aðrar fígúrur.
Það er líklega dálítið seint að ákveða að fara núna en áhugasamir ættu að hafa augun úti varðandi þessa ráðstefnu því hún er árlega og flakkar á milli staða í Bandaríkjunum.
Ég fór á ráðstefnuna 2000 (eða 2001?). Þetta var alveg ótrúlega gaman og einhvern tíma fer ég aftur. Ég kynntist mörgum sem ég er enn í sambandi við, sem eru oftast á þessum ráðstefnum og því skemmtilegra eru þær. En fróðleikurinn og stemmningin er það sem er aðal málið.
Ef einhver hugsar sér að fara mæli ég með því að vera á hótelinu sem ráðstefnan er á, ekki vera að reyna að spara með því að vera úti í bæ eða heima hjá einhverjum.
