PS : Fótósjoppað nammi
Photoshop er æðislegt forrit vita allir sem hafa notað það og möguleikarnir óþrjótandi. Skemmtilegt að glíma við að gera það ómögulega mögulegt.
Það er eins og það sé alltaf eitthvað í gangi sem allir reyna að setja inn hvort sem það passar eða ekki. Þessi misserin eru speglanir af hlutum mjög vinsælar og einfalt að rekja það til efnis frá Apple. Svo er vinsælt að reyna að bjarga öllu með skuggum í allar áttir.
En það eru ekki allir jafn liðugir í að gera þetta og oft vill eitthvað gleymast í hamaganginum. Hvað með það þótt ein og ein löpp týnist eða fingur verði of margir, eða að iPhone keyri á Windows? Kíkið á vefsíðuna photoshopdisasters.blogspot.com og vonið að þið lendið aldrei með verkin ykkar þar.
Ekki tengt þessu beint… en hvar getur maður nálgast stærðir á auglýsingum í fréttablaðið á netinu… án þess að þurfa að senda einhver e-mail á 365? Var það ekki á einhverri síðu sem þú varst með?