AA : Acrobat hnappaskipanir á bráðadeildinni
Ég var að furða mig á því af hverju hnappaskipanir í Adobe Acrobat 8 væru meira og minna horfnar. Sérstaklega saknaði ég þess að geta ekki notað Marquee Zoom (snöruþysjun?), það er, halda niðri slaufu + bilstöng og velja þannig þann flöt sem ég vildi stækka, og svo á móti halda niðri option + slaufa + bilstöng til þess að minnka. Eins virkuðu engar einfaldar hnappaskipanir svo sem Z til að velja þetta tól, hvað þá á nota bilstöngina eða H til að kalla fram hendina.
Þetta gat auðvitað ekki verið, þótt maður hafi svo sem upplifað að í nýjum útgáfum af forritum detti svona lagað jafnvel út.
Lausnin er einföld en ekki svo auðvelt að sjá hvað þarf að gera. Það þarf að fara í Adobe Acrobat > Preferences > General og haka við: Use single-key accelerators to access tools. Hver hefði látið sér detta í hug að þetta væri málið?
Eins og oft áður var svarið að finna í Help-skránni.
jú þetta lagar heilmikið enn ekki það að þegar maður er búin að kroppa út úr mynd, td. til að leiðrétta hvíta spássíu fyrir auglýsingu að þá er ekki hægt að nota stækkunarglerið með hnappaborðinu samhliða crop tólinu