Viðskiptavinir í hnotskurn
Vefsíða ein sem heitir freelanceswitch.com hefur tekið saman yfirlit yfir 12 tegundir viðskiptavina byggt á hegðun þeirra.
Það er alltaf gott að geta flokkað viðskiptavini svona gróflega og eins að hafa í huga að manns eigin viðbrögð séu í samræmi við hvernig þeir eru, það er að segja ef maður vill halda í þá.Mismunandi manngerðir og hegðun kallar á jafnmörg og mismunandi viðbrögð frá okkur svo samstarfið geti verið með sem bestu móti.
Í stað þess að pirra sig endalaust á erfiðleikum í samstarfi er tímanum mun betur varið í að læra á viðskiptavininn og öllum líður betur á endanum.
Kíkið á þennan lista og gáið hvort þið þekkið ekki einhverja sem passa inn í greininguna. Svolítið skondið. Athugið jafnframt hvort megi kannski bæta samskiptin með því að líta í eigin barm og gefa aðeins meira af sér í samstarfið.
