Hönnun með letri og skyldum táknum
Allar almennilegar féttaveitur hafa snápa á sínum vegum. Blöðin hafa sína blaðasnápa og bloggveitur hafa sína… bloggsnápa?
Ég fæ nokkuð oft ábendingar sem stundum verða að pistlum hér. Bloggsnápurinn eða fréttaritari font.is í Lundúnum, Hrundski, á samt örgugglega flestar svona aukakveikjur að pistlum hjá mér. Harðfylgni hennar við skúbbið varð til þess að font.is var með allra fyrstu boggvefum til þess að nefna Ólympíumerki Lundúnaborgar til umræðunnar, svo á fátt eitt sé minnst.
Í síðustu ábendingu frá Hrundski birtist óvænt teiknimyndaofurhetjan Rip Kirby til sögunnar. Mig minnir að dagblaðið Vísir hafi haft hann daglega um borð um alllangt skeið. Rip karlinn höfðar sérstaklega til mín af því hann er bæði með gleraugu og reykir pípu. Það sem hann hefur fram yfir mig hins vegar er að hann lætur hvorugt frá sér þótt aðkallandi uppákomur beri að höndum. Þar skilur á milli.
En ábendingin átti nú sennilega ekki að fjalla sérstaklega um Rip Kirby sérstaklega, heldur lampa og lampaskerma þar sem letur er notað við hönnun á þeim á einn eða annan hátt.
(Oft er stutt yfir í teiknimyndahetjurnar hjá þeim sem dást að letri. Eftir því sem ég veit best hefur ekki verið rannsakað hvernig á því stendur en ég verð að játa mig sekann. Tinni er í toppsæti hjá mér.)
Lampana gefur að líta á slóðinni mocoloco.com
