AI : Hnat­trænir litir – Global Color

swatchFeyk­i­le­gar breytin­gar og nýjun­gar í lita­meðhönd­lun er einkenni á nýjustu uppfærslu á Illus­tra­tor CS3, eða Illus­tra­tor 13 eins og hann heitir bak við tjöldin. Ég vona að ég geti smám saman tínt til eit­th­vað gagn­legt um þetta og stungið hér inn.

En áður en að því kemur ætla ég að taka fyrir smá mál sem hefur verið lengi í Illus­tra­tor, en tiltölulega fáir nýta sér. Kannski af því þeir vita ekki um það. Þetta er það sem heitir Global Color sem er í lita­palet­tunni (Swatches).

Lita­palet­tan er afar gagn­legt tól. Hægt er að velja liti sem eru í henni, breyta þeim að þör­fum, búa til nýja liti til að geyma og þar fram eftir götunum eins og allir þekkja.

Það sem ég hef verið að reka mig á er að mar­gir þekkja ekki muninn á tákn­myn­dunum sem notaðar eru í lita­palet­tunni. Kíkið á neðstu þrjá litina í henni — grænu litina. Þes­sir litir eru allir eins en hafa mis­jafna eiginleika.

litamixer
Sá fyrsti er ein­faldlega litur sem ég bjó til með því að draga lit sem mér leist vel á að nota út úr litablön­dunartæk­inu. Ég get notað hann aftur og aftur í því sem ég er að fara að teikna. Ef ég vel hann kemur hann fram í litablön­dunartæk­inu og ég get breytt honum að vild til þess að nota en hann breytist ekki í lita­palet­tunni sjál­fri. Nýja litinn verð ég að draga inn í lita­palet­tuna ef ég ætla að geyma hann líka.

Ef ég vil hins vegar breyta lit sem þegar er kominn í palet­tuna verð ég að tvís­mella á hann og þá birtist Swatch Options gluggi til þess að framkvæma breytin­gar­nar.
stilligluggicolour

Möguleikarnir eru all nokkrir í þes­sum stilliglugga.

  • Swatch Name. Nafn á litnum.
  • Color Type. Val milli þess að hafa litinn Process eða Sér­lit (Spotlit).
  • Global, hnat­trænt :-) Sjá neðar.
  • Color Mode. RGB eða CMYK
  • Pre­view, forskoðun. Sjá neðar.

Sleðarnir eru svo til þess að breyta lit­num. Ég minni á að ef Shift hnapp­num er haldið niðri meðan sleðarnir eru hreyfðir færast hinir í hlut­falli við upprunalegu blön­duna og þan­nig hægt að tóna litinn til og frá.

Þegar litur er Global merk­ist hann í lita­palet­tunni með hvítu horni að neðan. Global litur þýðir hins vegar að allt sem litað hefur verið með Global lit tekur á sig þær breytin­gar sem við kun­num að gera á honum í Swatch Options glugganum.

Setjum sem svo að við séum búin að lita tugi flata og lína með lit sem er ekki Global. Þá er meiri hát­tar mál að raka saman öllu til þess að gera litabreytingu. Ef liturinn er hins vegar Global er það ekkert mál og allar tilrau­nir með litinn verða miklu þægilegri.

Að auki er hægt að haka við Pre­view og þá sér maður á skjánum allar breytin­gar sem verða í verk­inu. Þægilegt?

Við þetta er að bæta að allir litir sem skil­greindir eru sem sér­l­i­tir eða spotl­i­tir (Pan­tone) fá á sig svarta doppu (spot) í lita­palet­tunni og eru í eðli sínu Global.

Það er afleit villa sem oft kemur upp, að fólk notar sér­l­iti, til dæmis Pan­tone lit fyrirtækis sem er verið að vinna fyrir í litablön­dur og jafn­vel lætur litinn blandast yfir í annan lit sem er kannski ven­jule­gur CMYK litur. Í ven­julegu fjögurra lita CMYK prentverki eiga alls ekki að vera sér­l­i­tir til staðar því hver af þeim kallar eftir sér filmu fyrir sig. Þegar farið er svo að leita að sér­l­it­num í skjal­inu vill leitin oft verða ansi erfið.

Til þess að koma í veg fyrir svona dellu er upplagt að búa sér til Global lit sem er CMYK litab­landa af fyrirtæk­islit­num, svo ég noti það dæmi áfram. Þá hefur maður eigin­leika Pantone-litarins og getur svei­flað honum til og frá í Swatch Options glug­ganum án þess að eiga á hættu að hann heimti að verða prentaður með sérlit.

global

En hvað ef maður er með fullt af litaflö­tum og línum í ein­hver­jum lit og vill breyta honum í Global til þess að nýta sér kosti þess?

Það er til dæmis hægt að gera svona:

  • Búðu til Global lit sem er alveg eins og sá sem þú vilt skipta yfir í.
  • Veldu nú einn litaflöt af lit­num sem þú vilt breyta.
  • Notar í val­blaðinu: Select > Same > Fill Color (Fill & Stroke) (Stroke Color) til þess að velja alla fleti og línur með gamla lit­num. Þú gætir þurft að gera þetta í áföngum, fyrst fleti svo línur og svo framvegis.
  • Smellir nú á nýja Global litinn og liturinn skip­tist út.
Share