Mail : Póstur falinn í skyndi
Með tilkomu flatskjáa hefur gefist fínt tækifæri til þess að minnka skrifborð starfsmanna og jafnvel setja fleiri starfsmenn í hvert rými. Þetta þýðir það er erfiðara um vik að skoða í tölvunni það sem annara augu eiga ekki að sjá, t.d. viðkvæma tölvupósta frá bankanum eða kannski lögfræðingi nágrannans.
Sumum kann að finnast þetta ósköp bjánalegt en ég veit fyrir víst að það eru alltaf einhverjir sem eru að sjá þessar upplýsingar í fyrsta skipti.
Ef þú ert með póst opinn og þarft í skyndi að loka honum eru nokkrir möguleikar í stöðunni:
Ef þú lest póst með því að opna hvern póst í sínum eigin glugga:
- Loka glugganum. Slaufa + W
Ef þú lest póstinn með því að velja póst fyrir póst (ert með Mail gluggann tvískiptan (póstarnir í efri hluta og lesa í neðri hluta)):
- Slökkva á Mail forritinu. Slaufa + Q (Mjög dramatísk og ekki hraðvirkt ef Mail er tékka á pósti akkúrat á þessu augnabliki).
- Fela Mail forritið. Slaufa + H
- Skipta yfir í annað forrit. Slaufa + tab
- Taka tvískiptinguna af með því að tvísmella á skilin á milli. Fæst aftur síðar með því að tvísmella neðst á rammann þar sem doppan er.
Tvær sneggstu aðferðirnar:
- Smella á póstinn sem ég er að lesa og halda slaufu niðri um leið. Þá afvelst pósturinn og sést ekki í glugganum lengur.
- Smella á skjáborðið og halda niðri Option (Alt, valhnappur) niðri um leið. Virkar þá eins og Slaufa + H. (Oscar Bjarna©)
Ég held oft inni ALT takka og smelli á skjáborð eða annað en Mail (eða hvaða forrit sem ég er í). Það gerir sama og Slaufa + H og allt fer í felu 1, 2 og bingo.