Letur ársins 2006 hjá Myfonts.com
Myfonts.com er vefur sem allir leturáhugamenn ættu að hafa í bókamerki hjá sér. Mánaðarlega senda þeir út fréttabréf þar sem þeir kynna letur mánaðarins undir formerkjunum Rising Stars. Hægt er að skrá sig hér til þess að fá fréttabréfið og skoða eldri bréf sem maður kynni að hafa misst af.
Janúarfréttabréfið hjá þeim er svo val á letri ársins. Í ár varð hlutskarpast Swan Song sem er frá Canadatype (í Kanada náttúrulega). Flest letrin hjá Canadatype eru hönnuð af Patrick Griffin og liggja eftir hann mikill fjöldi letra enda hann er afar afkastamikill.
Ég er sérstaklega ánægður að segja frá þessu þar eð ég hef þekkt Patrick í mörg ár á vegum veraldarvefsins. Um daginn gafst mér tækifæri á að kynnast honum enn betur því hann var einn af þeim sem ég ferðaðist með í Bandaríkjunum um daginn.
