Fjaðrir í hattinn : Akismet og Moderate Brief Comments filterar fyrir WordPress
Þessi pistill er meira eða minna fyrir mig sjálfan til þess að geyma dagsetninguma sem ég setti svokallaða spam vörn á þennan vef : 14.11.2006. Þar höfum við það.
Þeir sem stunda að senda spam beita öllum tiltækum ráðum við að koma því til fólks. Senda tölvupósta, vírusa sem senda pósta frá saklausum (pc)-notendum og hvað eina. Eitt af því sem er mjög vinsælt er að senda pósta inn á bloggvefi sem svar við greinum. Og svo hanga við allkyns tenglar sem vonast er til þess að fólk smelli á. Flestir sem lesa blogg reglulega hafa séð þetta.
Mjög misjafnt er hversu mikið berst inn á blogg með þessum hætti og einnig misjafnt hversu vel blogg hugbúnaður ver bloggara við þessum ófögnuði.
Hugbúnaðurinn sem ég nota er WordPress. WP gefur kost á að stilla commentin eða svörin þannig að þau fara ekki inn fyrr en þau hafa verið samþykkt. Þannig samþykkir maður notanda í fyrsta skipti en svo þarf ekki að samþykkja hann aftur. Tilkynnt er um svar með pósti og svarið bíður þar til ég kíki á og samþykki.
Þetta er fínt kerfi – þar til spammið byrjar. Í júní eða júlí byrjaði að aukast svona spam og var svo komið nú um mánaðamótin að á hverjum degi biðu í kring um tvöhundruð spampóstar eftir að ég gerði eitthvað, samþykktið eða eyddi. Þetta er alger tímaþjófur og hreinlega drepleiðinlegt.
Ég setti því upp tvo filtera sem sjá um þetta fyrir mig og vona að það bitni ekki á neinum. Ef einhver er að senda inn svar við einhverju sem er skrifað hér og það birtist ekki innan sólarhrings, vinsamlegast sendið mér tölvupóst svo ég geti lagfært málið.
Þessir filterar sem ég setti upp eru annars vegar Akismet og hins vegar Moderate Brief Comments, sem er ætlað að stoppa upp í götin á Akismet. Enn sem komið er hafa þessir tveir filterar gripið hvern einasta spampóst sem beint er að font.is. Teljarinn sem er hérna á hliðarvængnum er teljari fyrir Akismet. Sést þar áþreifanlega hvað er í gangi.
Ég gef þessum filterum fimm fjaðrir.
