AI : ID : Tugabrot í tommum
Varla er hægt að ætlast til þess að maður kunni skil á tugabrotum í tommum, hvað þá að maður geti snarað þeim í millimetra rétt si svona. Þetta er þó mál sem maður gæti þurft að leysa t.d. ef maður þarf að gera auglýsingu í amerískt tímarit eða eitthvað því um líkt.
Málið er heldur ekki svo flókið – ef maður veit hvað gera þarf. Þetta snýst fyrst og fremst um að breyta tugabrotinu, t.d. 7/16 í almennt brot, sem er 0,4375. Ef talan er til dæmis 8 7/16 tökum við tugabrotið, og deilum 16 í 7 til þess að fá þetta rétt og svo skiptum við einfaldlega 8 7/16 yfir í 8,4375.
Til eru vefsíður sem eru með svona umreiknivélar sem þægilegt er að nota.
Þegar kemur svo að því að setja þessar tommutölur inn í málsetningarreitina í Illustrator eða InDesign er óþarfi að breyta kvarðanum í forritinu. Nóg er að skrifa in (8,4375 in) á eftir tölunni og þá fer þetta rétt inn en breytist jafnframt í millimetra sem eru okkur aðeins kunnuglegri.
