AI : Textaslitur
Ástæðan fyrir þessu er mismunur á svokölluðum textavélum í forritunum. Mjög sérhæft og ekki tök á að fara út í það hér frekar. Nema, – rétt að nefna að leturbreytingar svo sem fitun, gleikkun milli stafa og þess háttar fjölga slitrunum, eins og sést á myndinni.
Þennan ókost er hægt í flestum tilfellum hægt að laga í Illustrator á þennan hátt:
- Veldu allan textann með hvítu pílunni þannig að aðeins eru valdir textastrengirnir, en ekki neinir kassar í kring.
- Afrita, slaufa + c.
- Búðu til nýtt textabox.
- Límdu textann inn, slaufa + v.
Textinn á nú að hafa límst samfelldur inn.
Svona textaslitur má líka nýta sér til hagsbóta í einstaka tilfellum. Sem dæmi gæti verið að einhver viðskiptavinur labbaði inn um dyrnar með textaskjal með nöfnum allra hreppa á Íslandi og bæði mann um að setja nöfnin inn á Íslandskort. (Sem betur fer er búið að sameina marga hreppina, en samt…)
Það gæti verið snjallt að sturta textanum inn í textabox í Illustrator, vista skjalið sem eps og svo í Distiller með það. Þegar við opnum pdf skránna í Illustrator sjáum við að hver einasti hreppur er kominn á sjálfstæðan textastreng og bíður eftir að verða fluttur á sinn stað. Athugið að þetta gerist ekki ef pdf skrá er vistuð beint út úr Illustrator nema tekið sé hakið af Preserve Illustrator Editing Capabilities þegar vistað er.
