Letur : Bókin á náttborðinu
Linotype gaf nýlega út stærðar bók með sýnishornum af öllu letri sem fyrirtækið býður upp á. Typeface Catalog A-Z. „Aðeins“ 6538 leturafbrigði sýnd í veglegri og vandaðri bók. Það er auðvitað hægt að skoða þetta allt saman á vefsíðunni þeirra, en það jafnast ekki á við að hafa svona flotta bók í höndunum. Hægt er að panta bókina á 19 dollara og sendingarkosnaður bætist svo við. Nokkur veggspjöld fylgja með í kaupbæti.
Bókin er fyrir marga eflaust jafn áhugaverð lesning og símaskráin. Engar myndir — bara stafir! En í því er einmitt fólgið gildi hennar. Frábær uppflettibók yfir letur.
