font.is

Apple : Íslen­skt hnappaborð

Þetta er kannski pínulítið vil­landi fyrirsögn, því mest er talað og skri­fað um íslen­skt hnap­paborð í tengslum við hvort töl­van sýni íslen­ska stafi eða ekki. Sem sagt Ice­landic Key­board, Uni­code og svo framvegis.

Ég ætla hins vegar að leyfa mér að taka aðeins annan vinkil í þetta skip­tið. Við erum vel flest með íslensk hnap­paborð, þetta sem við notum til að hamra á stafi. Eins notum við alls kyns hnappa á því fyrir sértækar skipanir í for­ri­tum, stun­dum eða oftast með aðs­toð músar.

Það er aðeins á reiki hvað fólk kallar þessa hnappa. Til dæmis kalla sumir Optionhnap­pinn Alt, enda sten­dur það á fles­tum borðum nú orðið. Fle­stir nota ensku orðin á þeim og aðrir ensk og íslensk í bland. Sumir nota jafn­vel íslen­skt heiti meira í gríni en alvöru og er það hið besta mál. Eins konar sjálf­sheilaþvot­tur vonandi þar sem íslen­ska heitið verður ofan á fyrir rest.

Mér finnst sjálf­sagt að allir viti hvað hnap­parnir heita á ensku því að við byg­gjum svo mikið á upplýsingum á ensku af net­inu og blöðum og bókum að við yrðum í van­dræðum ef við kyn­num þau ekki. Hins vegar er gaman að nota íslensk heiti og orð sem mest í tali og skri­fum. Bæði fyl­gir því smá þjóðremba og stolt. Ekki hel­dur amalegt að makkan­oten­dur gangi fram fyrir skjöldu í þes­sum efnum og viðhaldi gamalli hefð. Eins má ein­faldlega segja að ef það er satt að við notum aðeins 10% heilans svona yfir­leitt þá ætti okkur ekki að verða sko­taskuld úr því að læra örfá íslensk heiti í viðbót.

Ég viðurkenni fúslega að ég var ekki með þetta alger­lega á hreinu svo ég ráðfærði mig við Ste­in­grím Árna­son hjá Apple búðinni. Svo klam­braði ég saman þes­sum myn­dum hér að neðan sem sýna staðset­ningu hnap­panna sem um ræðir.

Hér er þá listinn:

• Escape: Hop
• Tab: Dálkhnap­pur
• Caps Lock: Hástafalás
• Shift: Skipti
• Con­trol: Stjórn, stjórnhnappur
• Option/Alt: Val
• Com­mand: Skipun, skipanahnappur
• Space: Bil, Space bar: bilslá
• Back­space: Bakka, bakkhnappur
• Return: Venda, vendihnappur

• Del/Delete: Eyða
• Num­Lock: Talnalás
• Enter: Færa, færsluhnappur

Hér eru svo þrír hnap­par hægra megin á hnap­paborðinu. Ég hafði myn­d­ina sér svo ég gæti haft fyrri myn­d­ina stærri. Upplagt að prenta þetta út og hafa við hendina.