Apple : Hvar er ég?
Það kemur fyrir að maður er að vinna í einhverju skjali og er jafnvel búinn að vista það þegar læðast að manni efasemdir um að maður hafi vistað í rétta möppu. Eitthvað svoleiðis … Þetta gæti líka verið einhver opin mappa síðan fyrir helgi og maður hefur ekki hugmynd um það lengur hverrar ættar hún er. Þá er ekki verra að geta fengið upplýsingar um það án þess að þurfa að fara út úr skjalinu eða möppunni og fara að leita og gramsa.
Með því að styðja músarbendlinum á nafn skjalsins / möppunnar ásamt því að halda niðri skipanahnappnum, Command, flettist niður valblað sem sýnir alla slóðina.
Í baksýn sést Universal merkið sem ég var að leika mér að teikna í Illustrator. Ég fékk nefnilega nýju MacBook tölvuna í dag!
