font.is

AI : Úr pílu í textatól

Ég eins og svo mar­gir nota mér í Illus­tra­tor að fara úr hvaða tóli sem ég er að nota yfir svarta eða hvíta pílu með því að styðja á skipanah­nap­pinn, Com­mand. Um leið og maður slep­pir hnapp­num hel­dur maður áfram í því tóli sem maður var að nota þar á undan. Ég gæfi mikið fyrir að geta gert svipað með dropateljarann.

Aðrir kæra sig ekkert um að kalla fram píluna fram á þen­nan hátt, hel­dur smella á A til þess að fá þá hvítu og V fyrir þá svörtu. Það, ásamt því að nota aðra hnappa til þess að flakka milli tólanna, virkar mjög fínt og ættu allir að temja sér að nota eit­th­vað af þes­sum fínu skipunum. Það er aðeins eitt, að maður er kominn inn í tex­tatólið pikkast stafir á skjáinn þegar maður slær næst á hnap­pana og maður verður að „hand“-koma sér í næsta tól. Þá er hen­tugt að muna eftir Com­mand hnap­pinum til þess að afvelja tex­tann og halda svo áfram að nýta sér hnap­paborðið til þess að þvælast milli tólanna.

Breytin­gar á tex­tameðhönd­lun í nýrri uppfærslum á Illus­tra­tor virðast valda því að stun­dum getur verið svolítið erfitt að koma textabendlinum inn í orð. Þá er hér ein alveg brill­jant skipun til þess að snara sér inn í textann:

Ef pílan er valin, þar með tímabundið eins og lýst er hér á undan, tvís­mellir maður á tex­tas­trenginn. Við þetta hrekkur valið úr pílu í tex­tatól rétt eins og maður hafi þrýst á T og textabendillinn blikkar á þeim stað sem maður smellti. Gæti varla verið betra!

Ég hef séð þó nokkra kvarta undan þessu á net­inu en það eru lík­lega ein­hver­jir sem geta illa hamið ótímabært tvís­mell sitt. Hægt væri fyrir þá að stilla smellhraðann í Sys­tem Preferences.