FontLab : Greinar á ensku
Í morgun fór ég og hitti þriðja árs nema í grafískri hönnun við Listaháskóla Íslands. Erindið var að ræða nokkur mál sem varða letur og þá sérstaklega hvað tæki við þegar maður er búinn að teikna letur í Illustrator og vill koma því yfir í FontLab svo hægt sé að nota letrið eins og hvert annað letur í tölvu.
Það er nú meira en að segja það að framkvæma þetta. Fyrsta skrefið er samt undirbúa leturteikningarnar í Illustrator á réttan hátt svo þær komi í réttri stærð og lögun yfir í FontLab. Ég var búinn að taka saman efni um þetta sama mál einhvern tíma fyrr á þessu ári og skrifaði það á ensku svo fleiri gætu nýtt sér það. Ég birti það hér líka svo nemendurnir gætu haft þetta til leiðbeiningar og minnis. Þetta birtist því sem sagt hér á ensku og ég vona að það valdi ekki neinum erfiðleikum.
Ég veit það fyrir víst að ég á eftir að krukka aðeins í textann síðar en grunnurinn mun þó verða þessi sem hér birtist. Eins má búast við því að eitthvað annað birtist af og til á ensku seinna og af sömu ástæðum og nefndar eru fyrst í greininni, nefnilega af því að margt af því sem ég skrifa um er ekki auðvelt að finna á netinu og ég vil gjarnan að stærri hópur fái að njóta.
