PS : Sameina lög í eitt nýtt lag
Stundum vantar mann nokkra layera í Photoshop sameinaða en vill eiga þá staka til seinni nota. Flestir hafa fundið sér einhverja leið til þess að gera þetta enda eru fjölmargar leiðir til þess.
Ein leiðin og sú sem margir notast við er að búa til Layer set, og tvöfalda það síðan. Geyma annað til síðari nota en fletja hitt.
Önnur lengri leið er að gera: Duplicate Layer og svo New. Þá myndast nýtt skjal í nákvæmlega sömu stærð með þessum layer. Svo dregur maður þá sem maður vill yfir í nýja skjalið og fletur út. Flytur svo inn í gamla skjalið aftur. Ég hef oft notast við þetta. Sérstaklega ef ég er að vinna skjal í CMYK en þarf að nota filtera sem aðeins virka í RGB á einhverja layera. Eða þá líka ef mig vantar að koma einum eða fleiri layerum í gráskala og svo yfir aftur.
Þriðju leiðina er ekki vitlaust að nota, eina sér eða í bland við hinar. Hún er svona:
A. Hafðu kveikt á þeim layerum sem þú vilt sameina (án þess að glata).
B. Veldu nú þann efsta af þeim sem á að sameina.
C. Slaufa+Option (Alt)+Shift+E
Við þetta myndast nýr layer ofan við þann sem valinn var. Þetta er í það minnsta hraðvirk leið sem gott er að kunna. Kannski maður ætti að skrifa svolítið meira um flýtiskipanir?
