Tiger með leturvesen hér og þar –uppfæra
MacOsX 10.4 kom út 29. apríl 2005. Þessi útgáfa er kölluð Tiger. Ein af þeim breytingum sem okkur á Íslandi varðar sérstaklega er að svokallaður Íslenskustuðningur er nú innbyggður í kerfið. Eða öllu heldur hluti hans. Þetta er langþráð breyting, en sala á þessari viðbót við stýrikerfið hefur farið afar illa í marga.
Þessi breyting er þó langt frá því að vera gallalaus og beðið er eftir einhvers konar auka uppfærslu fyrir Ísland. Vandræði sem fólk er að lenda í eru þó aðeins að litlu leyti tengdar einhverjum göllum í þessum stuðningi í íslenskuninni, heldur má sjá víða á netinu að fólk í öðrum löndum en á Íslandi er að lenda í svipuðum erfiðleikum og við.
Ensku efst — í bili að minnsta kosti
Stærstan hluta þessara erfiðleika má leysa með því að hafa ensku sem efsta tungumál í System Preferences > International. Sem dæmi lagar þetta Software Update sem hrinur ef íslenskan er höfð efst. Mörg forrit vilja ekki hlaðast inn eða þá ræstast ef íslenskan er efst. Leturrugl í vöfrum eins og t.d. Firefox og Opera lagast líka með þessu. Hluta þessa rugls má rekja til þess að ekki hefur verið nógu vel hugsað um það hjá Apple að aðrir en Ameríkanar séu að nota kerfið. Þekkt staða.
Roman keyboard
Helsta breytingin sem Íslenskustuðningurinn hefur hingað til gert á stýrikerfinu er að skipta út íslenska Unicode lyklaborðinu og setja Roman lyklaborð í staðinn. FreeHand notendur þurfa að notast við Klemmuspjaldsbreytinn og Roman lyklaborð svo þeir geti komið inn texta.
