QXP : Slökkt á leturkaupaviðbótum, XT
Margir eru enn að nota Quark og full snemmt að auglýsa jarðarförina. Útgáfa 7 er væntanleg í lok ársins sem mun bæta úr ýmsum vanköntum sem eru á núverandi útgáfu. Þótt fyrr hefði verið er óhætt að segja. Síðasti áratugur hefur einkennst af því að á meðan forritarar hjá Quark hafa eytt endalausum tíma í að hanna önnur forrit sem dáið hafa drottni sínum jafnóðum og þau hafa komið út hafa þeir ekki sinnt flaggskipinu QuarkXPress.
Mjög er sótt að forritinu af InDesign. Framtíðin mun leiða í ljós hvort ID gangi af Quark dauðu, en hafa ber í huga að gríðarleg fjárfesting liggur í kunnáttu fólks á þessu forriti sem hefur um árabil verið eini alvöru valkosturinn í umbrotsgeiranum á makka.
Á leturráðstefnu sem ég fór á í London í febrúar var þessi nýja útgáfa kynnt og sérstaklega með tilliti til leturmála. Fyrirlesarnir frá Quark lofuðu öllu fögru um bætta þjónustu við notendur í það minnsta í Englandi, en þeir hömruðu á því að stórátak væri í undirbúningi í þeim efnum. Það er auðvelt að margfalda það sem ekkert var.
Það markverðasta sem ég sá í nýju útgáfunni er að það verður hægt að nota OpenType letur almennilega, það er að segja, opnað er fyrir aðgengi að þeim aukastöfum sem eru í letrinu. hingað til hefur aðeins verið hægt að nálgast 256 fyrstu stafina í letrinu. Þetta þýðir á sama tíma að forritið er orðið Unicode samhæft og eru það góð tíðindi fyrir okkur hér á klakanum.
Sem stendur er aðeins hægt að nota QuarkXPress 6.5 með breyttu letri á MacOsX á Íslandi. Ýmis konar vandræði dúkka upp varðandi letur. ttfont mappan sem ég fjallaði um í öðrum pistli er eitt dæmi. Svipuð vandræði og sú mappa getur valdið geta komið upp í tengslum við tvær viðbætur sem eru í forritinu. Nefnilega að letur sem valið er komi ekki rétt út, Myriad letrið comi sem Courier eða eitthvað í þá áttina.
Viðbæturnar sem um ræðir eru:
FontDownloadingXT
FontRetrieveXT
Þessar viðbætur virkar við innsetningu á QuarkXPress og eru til þess ætlaðar að kaupa letur á netinu. Það þarf að slökkva á þeim í XTension Manager. Leiðin er að fara í menu: Utilities | XTension Manager
