FontLab
Nafn forritsins er ýmist stytt í FL eða FLAB á umræðukorkum. Þeir sem hafa vanist að teikna letur í Fontographer á kerfi 9 og eldra geta tekið gleði sína aftur. FontLab gerir allt sem Fontographer (FOG) gat og miklu meira til. Ég skammast mín ekki þótt ég viðurkenni að það tók mig langan tíma að læra á FL og ég er enn að læra á það. Handbókin, sem fylgir er rúmlega 700 blaðsíðna PDF doðrantur og ekki aðgengilegasta rit sem ég hef augum barið. Þá er að nefna sem ókost hvernig skipunum er raðað í valseðlana en það er langt frá því að vera það sem mér finnst rökrétt. En forritið er vægast sagt öflugt og þar af leiðandi frábært. Teiknitólin virka mjög svipað og í Illustrator og FreeHand með smá undantekningum þó.
Besta leiðin til þess að læra á forritið er að byrja einfaldlega á því að hanna letur í því og leita svo lausna í handbókinni. Hægt er að kaupa prentaða útgáfu af handbókinni sér og einnig er komin út bókin Learn FontLab Fast eftir Leslie Cabanga sem er fín byrjendabók.
Önnur leið til þess að láta hugmyndir að letri verða að raunveruleika getur líka verið að teikna letrið í Illustrator og flytja það inn í FontLab. Þetta er svona copy/paste aðferð en það þarf að hafa nokkrar stillingar réttar til þess að þetta virki eins og til er ætlast.
Innan skamms kemur út útgáfa 5 af FontLab fyrir PC og síðar á árinu kemur svo makkaútgáfan. Ég fékk að prófa betaútgáfu fyrir PC á leturráðsstefnu sem ég fór á í London í febrúar. FontLabStudio 5 eins og útgáfan mun heita er meiri háttar uppfærsla þar sem höfundarnir hafa tekið tillit til margra óska notendanna. Meðal annars raðað í valseðlana á nýjan hátt, og mikið aukið við ýmsa hjálparþætti eins og við ClassKerning.
Mjög mikill stuðningur er við notendur á netinu og er aðalhöfundur forritsins og annar til stöðugt að aðstoða notendur og svara spurningum. Forritið er nokkuð dýrt, enda gert fyrir tiltölulega lítinn og sérhæfðan markað. Margari útgáfa TypeTool er fáanleg fyrir mun minna og dugir flestum og hægt að uppfæra síðar í FontLab.
Fyrsta skefið er að kynna sér FontLab
