2002.48
Þannig horfir maður í fyrsta skipti á svoleiðis auglýsingar að undir niðri hamast giskfruman að reyna að giska á hvað sé verið að auglýsa. Og oft getur það verið svo að giskið hleypur frá því að vera á að augýsingin sé frá fjármálafyrirtæki eða tryggingafélagi; símafyrirtæki eða ég veit ekki hvað.
Ég er ekki að segja þetta sem gagnrýni. Nema þegar auglýsingin er nánast alveg eins uppbyggð og eitthvað sem er þekkt. Ég sá eina af þessari sort í gærkvöldi. Það virtist þó vera alveg ljóst að um væri að ræða matvöru. Sennilega einhvern ítalskan mat..pasta eða eitthvað svoleiðis. Mjög kynæsandi mat í það minnsta.
En viti menn! Ora! hehe! Ég verð að endurskoða þessar vörur alvarlega. Ora fiskibollur hafa verið í topp tíu hjá mér frá unga aldri. Varla voru þeir að meina þær?
Ég var reyndar með talið mjög lágt stillt og gæti hafa misst af stórasannleik mitt í miðju giskinu. En auglýsingin var flott. Fer ekki ofan af því. Sérlega snyrtilega farið með rúmsenuna. (Sem er sérlegur veikleiki í íslenskri auglýsinga– og kvikmyndagerð). Kraftur, erótík, skemmtileg lýsing og góð stemmning gerir þetta að eftirminnilegri auglýsingu. Og undirstrikað með Ora.
Þrjár fjaðrir fyrir þessa og ég hugsa að ég reyni að galdra fram Ora fiskibollur í vikunni. Endurskoðaðar.
